Ua faatalanoa e le Focus Sport a le NZ Herald nisi o tamaitai ua filifilia i le ‘au a le Black Ferns mo le sauni atu i le Ipu o le lalolagi i lea faagatama ma e aofia ai ma le tamaitai aupito i laititi i le ‘au, se tasi foi o alo o Samoa, Sylvia Brunt.
E taalo mo Ponsonby faapea foi le Auckland Storm i le Farah Palmer Cup. Sa filifilia foi i le Blues i le ‘au a tamaitai i le taamilosaga o le Super Rugby Aupiki.
E maualuga le silasila a isi tamaitai o le ‘au ia Sylvia i lona agavaa i le taaloga e ui o ia e aupito laititi ai ma e atagia lea ia latou faamatalaga i le autusitala ina ua fesiligia i le mataupu.
O le ‘au atoa a le Black Ferns mo le Ipu o le lalolagi e aofia ai:
FORWARDS: Luka Connor, Natalie Delamere, Georgia Ponsonby; Tanya Kalounivale, Phillipa Love, Krystal Murray, Amy Rule, Awhina Tangen-Wainohu, Santo Taumata; Chelsea Bremner, Joanah Ngan-Woo, Maiakawanakaulani Roos; Alana Bremner, Sarah Hirini, Charmaine McMenamin, Liana Mikaele-Tu’u, Kendra Reynolds, Kennedy Simon.
BACKS: Ariana Bayler, Kendra Cocksedge, Arihiana Marino-Tauhinu; Ruahei Demant, Hazel Tubic; Logo I Pulotu Lemapu Atai’i (Sylvia) Brunt, Amy du Plessis, Theresa Fitzpatrick; Stacey Fluhler, Renee Holmes, Ayesha Leti-I’iga, Ruby Tui, Renee Wickliffe, Portia Woodman.
O le taaloga muamua a le ‘au o le Aso Toonai nei e fetaui ai ma Ausetalia i Eden Park. O le tamaitai o Logoipulotulemapuataii Sylvia Brunt faatoa 18 tausaga le matua.
