O Luxon o lea lava sa tu malosi e lē o se taimi lenei e faaalu ai se tupe tele e inivesi i vaa nei, peitai i le aafia faalua ai o ana fonotaga faavaomalo, e mafua i le leaga faafuasei o vaalele tuai a le ami a Niu Sila, o lea e foliga mai ai ua sui le pese a le Palemia.
Ae fai mai le faauluuluga o le Defence, Air Marshal Tony Davies, ua ia toe faamanatu e lē na o le Palemia o loo faaaogāina vaalele nei.
I le pitolaau a le malo o lea ua toe iloilo nei itu tau puipuiga lea o loo iai i totonu ma le ono suia o le vaalele 757.
O le 757 lea na leaga a o malolo ai i Papua Niu Kini le Palemia ma lana aumalaga i le faaiuga o le vaiaso, ma o lea ua faamaonia mai ua uma ona fai ma ua agai atu nei i Iapani e ui atu i Cairns Ausetalia, e aumai le Palemia ma le aumalaga.
Puna o Faamatalaga: http://Change of tune from the PM on need for new 757s | RNZ News
