Ua fuafuaina e le AUT Aukilani le vāea o le aufaigaluega pe a ma le 230, tusa o le 5 pasene lea o le latou aufaigaluega. Taua e le stuff.co.nz o se pepa o faamatalaga ua o latou mauaina ua sainia e le sui faaao o le Iunivesite Damon Salesa ua faataoto ai ia fuafuaga a o lei faaiuina le tausaga lenei 2022.
E 230 tagata faigaluega fulltime o loo aofia ai i lenei fuafuaga ia faamautuina ai le tulaga lelei tau le tupe o le iunivesite. O le faamatalaga lea mai le pepa na mauaina e le Stuff. Ua faailoa ai foi o le toatele o le a vāea i le tausaga lava lenei.
O se lipoti ua faailoa ai foi ma se finagalo o le peresetene aoao o le iuni, Tertiary Education Unit, Tina Smith e faapea ua faateia i lenei gaioiga, o loo manaomia e le tamaoaiga o le atunuu, faapea foi ma ona tagata, ia tagata faigaluega e iai le tomai ma o le ituaiga aoaoga maualuga faapei o le iunivesite e matuai manaomia i le aoaoina o tomai manaomia i tagata faigaluega ma o le a avea foi la ma faafitauli le faaitiitia o tagata e faatautaia lea manaoga.
Ua lipotia foi i le lipoti lava lea se faamatalaga a le sui faaao, Salesa e faapea o le fuafuaga lenei o se uluai faaiuga lea faapea ua faia i le iunivesite talu mai le 22 tausaga talu ai.
Ua faailoa foi e 4,354 le aufaigaluega atoa a le iunivesite e aofia ai tagata fulltime e 2,178.
