Ua lipotia e le RNZ i le asō le fuafuaga a le Health NZ e aveesea isi avanoa faigaluega e 44, o nisi o ia avanoa faato’ā amata talu ai nei e pei ona faailoa i se faamatalaga mai le Public Service Association.

O ia avanoa faigaluega e mai vaega poo teams e galulue i falemai ma auaunaga faapitoa e aofia ai le pule o le vaega e feagai ma i latou e iai aafiaga tumau o le soifua.

O isi avanoa e aofia ai le faatonu o le Maori Health ma le faufautua i lea lava auaunaga.

Na faailoa e le failautusi o le PSA i le lipoti lea a le televise tasi o nei mau avanoa faigaluega ua aafia ua faanenefu ai lava tagata faigaluega a le Te Whatu Ora lea foi na feagai ma nisi mau fetuuna’iga i le tausaga lava lenei.

E ioeina foi e le Ofisa Sili o le Te Whatu Ora lea manatu, o se lu’itau tele lava lenei ma ua ia faailoa i lana aufaigaluega, ma e ono faafaigata ai foi le agavaa o le Te Whatu Ora e kiliva se auaunaga aogā tau le soifua maloloina.

E lē o ta’ua ni finagalo faaalia mai le Te Whatu Ora i le lipoti ae molimau nisi ua fai si tele o suiga i le auaunaga lea tau le soifua maloloina ma fe foliga ua fai atu isi suiga ae lei faatinoina isi foi suiga e lei leva atu nei ona faatulaga.

Puna o Faamatalaga: https://www.rnz.co.nz/news/national/523099/soul-destroying-health-nz-proposes-cuts-to-recently-established-jobs