Afai ae toe manumālō Albanese i le isi faigapalota e sosoo ai o lona uiga o le a aveesea loa le su’ega poo le test lea e faia e faamautū ai pe agavaa se aiga i fesoasoani mai le childcare.

O le folasaga lea ua lipotia e le ABC o le a fai ane e le alii Palemia i le asō ma faailoa ai o aiga uma e itiiti ane i le 530 afe le tupe maua i le tausaga o le a mautinoa le agavaa i le fesoasoani lea i le childcare e lē itiiti ifo i le 3 aso, pe afai lea e toe tula’i mai le Leipa i le isi faigapalota.

O le faiga o loo iai i le taimi nei e faato’ā agavaa mātua mo le fesoasoani lea i le childcare pe afai o loo faigaluega, volunteer pe o loo sa’ili galuega foi pe o feagai ma ni a’oa’oga, peitai la afai ae toe manuia le Leipa i le palota o lumana’i o lona uiga o le a silasila i le tulaga tau tupe maua a le aiga.

Fai mai le lipoti ua ta’ua i le lauga a le alii Palemia e fia faamautinoa e le Leipa e lē fuaina le faai’uga i le mea e nofo ai poo le galuega foi o loo faatino e soifua ai peitai e limata’ita’iina e le mea e tasi, o lou mana’oga mo le lumana’i o lou alo.

Puna o Faamatalaga: https://www.abc.net.au/news/2024-12-10/albanese-vows-scrap-childcare-activity-test-if-labor-reelected/104708894