E toalua tamaiti ua ta’ua i se lipoti i le asō ua faia nei iai suesuega a leoleo i le mafuaaga ua maliliu ai ina ua lipotia ane se faalavelave mai se fale i Ruakaka sa iai e tusa lea o le ‘afa o le 7 i le taeao analeila e pei ona lipotia i le Herald.
O loo ta’ua i le lipoti e talitonuina o tino maliliu o tamaiti e toalua na maua atu i se fale i Peter Snell Road ma e toatasi lea o loo faatalanoa e leoleo, fai mai e le o sailia se isi.
Fai mai leoleo e le taumate e faate’ia le toatele i le komiuniti i lenei lipoti ae mo le taimi nei e le o iai se isi o toe sailia a o faagasolo ai le faatalanoaga o le tagata lea e pei ona lipotia.
Ua ta’ua foi i le lipoti le faasāina e leoleo o se tasi o fale i le faaitu lea ma ua vaaia le tele o taavale a leoleo i lea nofoaga ma vaaia foi malu o le malo o loo faatalanoa tagata e lalata atu o latou fale i le vaega o faia ai le suesuega.
Ua maitauina foi le tele o finagalo faaalia ma faatalanoaga i luga o le social media i le asō i le mataupu lea a o tālia ai se isi lipoti lata mai a leoleo.
