Ua lipoti nei le iai o fale ua faaleagaina i le afi o loo sasao ane i se tasi o paka i Vitoria.
I le taimi nei e lua vaomatua o loo mu i Vitoria, o le tasi o nofoaga, o le LIttle Desert National Park pe a ma le 375 kilomita i sisifo o Melepone, ma le isi afi o loo sasao i le Grampians pe a ma le 100 kilomita i saute lea ua lipotia na faateteleina le sasao anapo ma aveesea mai ai tagata o loo lalata atu iai.
O e o loo aumau i Dimboola, Pimpinio, Wall ma isi pitonuu lalata ane ua fautuaina e agai ese i nofoaga saogalemu ma ia gaioi vave loa.
E talitonuina o le afi lea na amata i se uila na emo ma mu ae ai se vaega o le vaomatua ma ua lamatia ai nei fale o aiga ma soifua foi o i latou i ia faaitu.
O le vevela foi o le a lē fesoasoani lea i le tuuitiitia o le sasao a ia afi ma ua lapataia tagata ia faaeteete.
Puna o Faamatalaga: https://www.9news.com.au/national/weather-heatwave-australia-melbourne-australia-day-long-weekend/19bccdfc-e9a7-4471-8a20-3b44f865bab7
