Ua sau i lalo le fuainumera o cases faamaonia o le Koviti i totonu o Niu Sila e tusa ma faamaumauga na faailoa mai e le soifua maloloina ananafi.

E 2,968 cases fou o le Koviti na lipotia i totonu o le vaiaso ua alu, ma le 14 isi tagata maliliu faaopoopo e fesootai ma le vairusi.

Mai nei cases fou, o le 1,314 o tagata ua toe maua i le faama’i.

E oo mai i le po o le Aso Sa faatoa uma atu o loo taofia le toafitu tigaina i le falemai ae 177 i latou na asia le falemai a o maua ai i le vairusi.

A faatusa fuainumera na ta’ua mai ananafi ma le lipoti o le vaiaso talu ai, o lea sa 18 tagata maliliu i le vaiaso ua alu ae 2,998 cases faamaonia na lipotia.