Ua faailoa i lipoti lata mai a le CNN i le taua i Iran, e foliga ua talanoa lava Amerika ia ia te ia lava i le matāupu ua ta’ua ai feutana’iga o loo faia i le va o atunuu e lua.
E foliga ua fia mālie ane le vaega o le militeli a Iran ma a latou faamatalaga ia ua faia faasaga ia Amerika.
Ua lipotia foi pe ā ma le afe fitafita a Amerika ua fuafua o le a ave atu i Sasa’e Tutotonu i se taimi e lē o toe mamao ma le faamatalaga o loo tele avanoa o loo matala ane i le alii Peresetene.
O se sooupu a le militeli a Iran o Ebrahim Zolfaghari i sana faasalalauga i luga o televise a Iran na ia fesiligia ai le ta’ita’iga a Amerika e faapea pe ua oo faafitauli tutupu i totonu o lo latou atunuu i se tulaga ua toe talanoa ai lava i latou ia i latou.
Sa fesiligia foi e le minisita o le va i fafo a Iran, Abbas Araghchi i le CNN, feutana’iga o loo ta’ua e Amerika ma ia faailoa ai o le sui o le tone poo le tulaga o le talanoa atu a Amerika o se ta’utinoga lea o le faia’ina i le mae’a ona o latou faatonu atu le siilima o Iran.
Fai mai Araghchi e moni sa iai fesuia’iga o tusitusiga ma Amerika ae le’i iai ni fetuuna’iga na faia.
O loo iai se lisi e 15 points ua tuuina e Amerika ia Iran e faaui atu ia Pakistan, o ia vaega e 15 o mea e manana’o Amerika ia faia ma ua lipotia le tuuina ane foi e Iran o lana lisi ua faamanino ane ai foi ni matāupu se 5 ina ia faamuta ai le taua.
Fai mai ai ma le faamatalaga a Iran latou te lē toe fia talanoa i sui o Amerika o Witkoff ma Kushner ae sili ai lo latou fesoota’i sa’o i le Sui Peresetene o JD Vance.
O Isaraelu fai mai le CNN o loo iai lo latou popolega ina ne’i folafola mai e Amerika se masina atoa e taofia ai fetauiga i Iran ae se’i faia ni faatalanoaga.
Puna o Faamatalaga: https://edition.cnn.com/2026/03/24/middleeast/us-israel-iran-middle-east-war-day-26-what-we-know-intl-hnk
