Ua oo atu i le 27,076 isi tagata ua aafia i le faamai Koviti-19 ma le isi toa 58 o soifua ua ma’umau e iai sootaga i le koviti e pei ona faailoa i lipoti a le matagaluega o le soifua maloloina.
O le piliota o loo aofia ai i lea lipoti e amata mai i le Aso Gafua 21 o Novema seia oo mai i le aso ananafi.
Fai mai le matagaluega e 328 gasegase o le koviti o loo taofia pea i falemai e aofia ai le toa 10 i potu tigaina.
E oo mai i le taimi nei ua oo atu le aofai o le aumaliliu i le faamai i totonu o Niu Sila i le 2,212, e talitonuina e iai sootaga i le faamai.
O le lipoti o le vaiaso talu ai mo le koviti o loo ta’ua ai e 24,068 i latou na aafia i le faamai, 40 i latou na maliliu e iai sootaga i le faamai ma le 325 o gasegase sa taofia i falemai.
