I le lipoti aupito lata mai o le Koviti-19 ua faailoa ai o loo faaauau pea ona faaitiitia le aofai o tagata e aafia i le koviti mai komiuniti ma ua faamauina mai le vaiaso talu ai e 8,220 tagata na aafia, amata mai le piliota i le aso 13 o Fepuari agai mai i le Aso Sa ananafi. 

E oo mai i le vaeluaga o le po anapo e 162 gasegase o le koviti o loo taofia i falemai, toafa sa i potu tigaina.

Ua faailoa mai foi i le lipoti, e toa 24 tagata na maliliu e aofia ai ma le isi tagata pe 20 tausaga ma sili atu.

E toa 15 le itupa o alii ma le toa 9 o tamaitai ua maliliu i totonu o lea piliota, feta’ua’ina e iai sootaga i le koviti.

O le aofaiga lata mai o soifua ua ma’umau i le atunuu atoa talu ona pepesi le faamai, i latou e iai sootaga o maliu i le faamai e 2,534.