Ua faamanino mai e le matagaluega o le soifua maloloina i le asō e ono oo atu i le 11 afe tagata e aafia i le koviti i le asō ma le toa 100 o gasegase o le koviti e taofia i falemai i le asō i le taimi o le tau mafanafana.
Ua faalauiloa mai ai foi ua tuu ifo i lalo le matua o le tagata e agavaa ai mo le tui faaopooopo lona lua poo le second booster mo tagata Maoli faapea foi ma le Pasefika.
Saunoa ai le sui faatonu o le soifua maloloina lautele o Dr Andrew Old i se feiloaiga ma tusitala i le mae’a o fa vaiaso o faaauau pea ona siitia le aofai o tagata ua aafia aemaise foi o le toatele o gsegase ua taofia i le falemai.
Ua faamaonia mai ai foi o le Omicron BA 5 lava lea e aupito i taatele ai tagata aafia ma ua ta’ua e Old e le o mautonu i le aofai o tagata e ono aafia i le agai atu i le lumanai aemaise ona o le toatele o le aufemalagaa’i ma le mix o variants ma o se fā’ata o le tulaga e ono oo atu ai tagata aafia i totonu o se aso se tasi i le 11 afe ma le tai 100 e taofia i falemai ona o le Koviti-19.
