O le lipoti aupito lata mai o le Koviti-19 ua faailoa ai e le matagaluega o le soifua maloloina ua faailoa ai e 9,405 isi tagata ua aafia i le faamai i Niu Sila i le vaiaso na tea nei.
O le piliota faamauina e mai le aso 3 o Oketopa i le Aso Sa ananafi, aso 9 o oketopa.
E oo mai i le vaeluaga o le po anapo e 134 gasegase o le koviti o loo faataotolia i maota gasegase i le taimi nei ma le toafa i potu tigaina.
E toa 25 isi tagata ua maliliu e iai sootaga i le koviti i totonu o le piliota lava lea ma o le toaiva o i latou o le itupa o tamaitai ma le toa 16 o alii.
E oo mai i le taimi nei ua oo atu i le 2,055 tagata ua faamauina ua maliliu e iai sootaga i le faamai Koviti-19.
