Ua faamaonia i lipoti lata mai o le Koviti-19 mai le matagaluega o le soifua maloloina i le asō, e 1,793 tagata ua faamaonia le aafia i le koviti i totonu o le 24 itula ua tuanai.

Faalauiloa e le sui faatonu o le soifua maloloina lautele Dr Andrew Old i se feiloaiga ma tusitala i le asō, e 260 gasegase o le koviti o loo taofia i maota gasegase ma le toalima i potu tigaina.

E toavalu isi tagata ua maliliu e iai sootaga i le koviti, toalima le itupa o tamaitai ma le toatolu o le itupa o alii.

Ua oo ai nei ma le aofai o tagata maliliu i le faamai i le 1,939, e 112 isi tagata ua aafia i le faamai na faamauina mai ia i latou na malaga mai isi atunuu.

O le taimi nei la e 11,580 tagata o loo aafia i le koviti i le atunuu atoa.