E foliga ua iai sina faaitiitiga laititi i le aofai o tagata e aafia i le Koviti-19 i le atunuu atoa e pei ona faamauina ai i le asō i lipoti lata mai a le soifua maloloina e 22,770 tagata aafia i le vaiaso talu ai.
O le lipoti mulimuli sa faailoa i le aso 28 o Tesema lea sa faamauina ai le aofai e 32,010 o tagata ua aafia peitai la o lea ua pa’ū ane i le 22,770 ma o faamaumauga lata mai a le matagaluea ua manino ai e 56 isi soifua ua ma’umau i le Koviti-19 i totonu lava o le piliota lea e pei ona ta’ua.
Ua faailoa ai foi e le matagaluega o le soifua maloloina e oo mai i le asō ua atoa le 2,331 o tagata ua maliliu e aafia i le Koviti-19 ae e oo ane i le vaeluaga o le po o le aso muamua o le tausaga nei e 436 gasegase o le koviti o loo taofia pea i falemai.
