Ua faamaonia mai e le matagaluega o le soifua maloloina a Niu Sila e 1,653 tagata ua faamaonia le aafia i siama o le Koviti-19 i totonu o le 24 itula ua tuanai. E 254 gasegase o le koviti o loo taofia i falemai ma le toafitu i potu tigaina.
E toa 12 isi tagata ua faamaonia ua maliliu e iai sootaga i le koviti, o i latou e amata mai i le tai 50 tausaga seia oo atu i le silia ma le 90 tausaga le matutua. E toa 10 le itupa o tamaitai ma le toalua o alii.
E oo mai i le taimi nei ua oo atu le aofai o le au maliliu e iai sootaga i le faamai i le 1,941. E toa 89 isi gasegase o le koviti ua faamaonia mai ia i latou o loo malaga mai isi atunuu e agai mai i totonu o Niu Sila.
