O le lipoti aupito lata mai o le Koviti-19 mo Niu Sila e pei ona tuuina mai e le matagaluega o le soifua mālōlō ina, ua ta’ua ai 1,653 tagata ua faamaonia le aafia i le Koviti-19 i totonu o le 24 itula talu ai i totonu o Niu Sila.
E oo mai i le taimi nei e 341 gasegase o le koviti i maota gasegase ma le to’atolu o loo i potu tigaina.
E to’aono isi tagata ua maliliu e iai sootaga i le faama’i ae ua faailoa mai ia i latou ua maliliiu, e to’atasi pe ā ma le 60 tausaga, to’atasi pe ā ma le 70, to’alua pe ā ma le ta’i 80 tausaga ma le to’alua e silia ma le ta’i 90 tausaga.
E to’alima o le itupa o tamaitai ma le to’atasi o se alii ma ua oo ai le aofa’i o tagata maliliu e iai sootaga i le faama’i i le 1,869.
