O le lipoti o le Koviti i le faaiuga o le vaiaso, e 1,103 cases fou i tua i le komiuniti na taua mai ananafi e le matagaluega a le soifua maloloina.

I tagata maliliu, e toa 11 tagata faaopoopo na maliliu o loo maua i le vairusi.

O i latou foi nei o loo i le va i tausaga o le 70 alu i luga i le 90 ma ona tupu, ma ua atoa ai le 1,915 tagata Kiwi maliliu ona o le Koviti.

E oo mai foi i le taimi na tuuina mai ai lipoti ananafi a le soifua maloloina e 13,494 active cases i tua i le komiuniti.

Ae i fuainumera o le Aso Toonai, e 1,709 cases fou i le komiuniti ae 11 foi tagata maliliu lipotia i lea aso.

Pau nei o faamaumauga e lipotia online e le matagaluega ma o nisi tala faaopoopo e maua mai le atoaga i le lipoti o le aso.