Ua faamaonia mai e le Soifua Mālōlōina e 5,549 tagata ua faamaonia ua aafia i le Koviti-19 i totonu o Niu Sila i le 24 itula talu ai atoa ai. E 383 gasegase o le koviti o loo taofia pea i falema’i e aofia ai le to’aono i potu tigaina.
Ua faamauina foi e le matagaluega e to’a 11 tagata ua maliliu mai le faama’i, o i latou uma ia e amata mai i le ta’i 60 tausaga aga’i i luga, e to’alima alii ma le to’aono o tamaitai.
To’atolu o i latou ia mai Canterbury, ta’i to’alua mai Aukilani ma Taranaki, to’atasi mai Waikato, Midcentral, Hutt Valley ma South Canterbury. O le taimi nei e 1,472 le aofai o tagata ua maliliu i le faama’i i le atunuu.
