E 4,126 isi tagata ua faamaonia le aafia i le Koviti-19 i totonu o le 24 itula talu ai e pei ona tuuina mai i le lipoti aupito lata mai a le soifua mālōlōina pei ona masani ai i aso taitasi.
O le aofa’i o tagata ua aafia i le koviti o loo faataotolia i maota gasegase ua oo atu i le 549 le aofai o i latou ia e aofia ai ma le to’a 16 o loo i potu tigaina.
E to’a 13 isi tagata ua maliliu e iai sootaga i le faama’i ma e matele foi i le au matutua. E to’avalu le itupa o tamaitai ma le to’alima o alii.
O le taimi nei ua oo atu i le 1733 tagata ua maliliu e iai sootaga i le koviti i totonu o Niu Sila. Ua faamauina foi e 162 tagata na malaga mai talu ai nei i le atunuu ma faamaonia le aafia i le Koviti-19 e pei ona faamaonia e le matagaluega o le soifua mālōlōina.
