O le faaaogaina e leoleo o meapueata e sailia ai avetaavale o loo soona saosaoa i le alatele ua faamauina ai i le aso ananafi ua faaluaina le numera o tagata e maua o soona saoasaoa i le tausaga nei nai lo le tausaga na tea nei.
O faamaumauga lata mai a leoleo i luga o le alatele ua iloa ai o le 376 afe o avetaavale na maua na oo atu i le silia ma le 12 miliona tupe na maua ai i sala. I le vaega o avetaavale onanā e le o tele se suiga o iai mai le tausaga talu ai, na o le silia ma le 18 afe mo le iva masina.
Fai mai leoleo ua faafaigofie le latou galuega i luga o le auala ona o le faaaogaina o nisi o meapueata poo cameras fou na suia ia Aperila e sili atu ona lelei ma faigofie ona maua ai taavale soona saoasaoa.
Mo le siakiina o le mānava, breath testing o loo faatalitalia e leoleo se toe faaleleia o masini e faaaoga i lea tulaga e faafaigofie ai foi le galuega ma o le a faaalu ai se vaegatupe e 770 afe.
O le tausaga lenei sei oo mai i le aso ananafi e 353 tagata na maliliu i luga o le alatele i le atunuu atoa, 50 agai i le 60 ua sili ai lea numera pe a faatusa i tausaga ua tuanai.
