O loo faia nei su’esu’ega a leoleo i se kulupu o tagata tietie pasika na so’aina le taavale a se tasi o tina ananafi, mulimuli ai faaleaga le taavale a leoleo.
Tusa o le ‘afa o le lima i le afiafi na faaoo ane ai lipoti i le ofisa i le kulupu lenei o loo o lē mafaufau i luga o le auala i Manurewa faapea Manukau.
E le’i leva ae so’a loa e se tasi o ave pasika le isi taavale na taumafai e afea le pamu penisini i Cavendish Drive i Manukau.
Ina ua taunuu atu leoleo na o ane ai loa li’o le taavale leoleo ma faaleaga.
I le lipoti mai leoleo anapo, o loo su’esu’e nei meapueata a le CCTV ma e leai se isi ua maua pe molia.
Ua talosaga mai ai ma leoleo e fesoota’i atu pe a silafia nisi faamatalaga e fesoasoani ia latou su’esu’ega o loo faia nei.
Vaofilifili & Le Soga
107 Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega
