O le tausaga faaletupe o loo faagasolo nei ua amata ai ona faasafua i itumalo faapalota o le atunuu vaega tupe muamua o le tai miliona tala, lea ua tauaao ai e sui faipule o taitaifono foi o komiti o fono faavae a itumalo o Siumu, Lefaga ma Faleaseela, Vaimauga 3, Gagaifomauga Numera 3, ma Anoamaa Numera 1, le tai 150 afe e amata ai loa ona faatino atina’e ua latou fuafuaina.
O atiina’e foi ia ua pasia e le Komiti galulue o le poloketi ma le Minisita o le Matagaluega o Tina ma Tamaitai atinae o afioaga ma aga fesootai, o loo taiulu i le faagaioia o le poloketi.
Se vaega o le saunoaga a le Minisita o Tupe le afioga Mulipola Anarosa Ale Molioo i le tufatufaina o vaega tupe muamua o le tai miliona tala.
O lea tufatufaga na auai ma le Minisita o Tina ma Tamaitai o loo faauluulu iai le poloketi le afioga Leota Laki Sio Lamositele ua toe taliu mai i le atunuu.
