Ua uma le solo tetee tele ananafi i Ueligitone, e leai se vevesi.
O lipoti nei a leoleo i le mae’a ai o leoleoga o le solo tetee na savalia ai le taulaga o Ueligitone ananafi agai atu i le maota o le Palemene.
E lē tasi se mataupu na faaleoina e tagata na solo tetee, lea e aofia ai le tetee i le transgender rights movement, o sexual education i totonu o aiga ma le toatele e lē auai i le suiga o loo tauala mai i le UN poo Malo Aufaatasi, le Transforming our world: The 2030 Agenda for Sustainable Development.
E tusa ma le toaselau leoleo na leoina le ausavavali e tusa ma le 2000, ma i tala fiafia e ui i lea fuainumera na savali filemu ma na toe vave tatala ai ma auala na tapunia.
O loo toe tapena leoleo i le isi solo tetee o loo ta’u ta’u e faia taeao.
