E leai se tulaga lamatia i afifi ia na mafua ai ona tapunia nisi o aoga ananafi ma aafia ai femalagaa’iga a nisi i Ueligitone ananafi.
O se faamaoniga lea mai leoleo e ui o loo faaauau pea suesuega i afifi na maua.
O afifi nei e lua, e tofu lava ma le auala na maua ai ma na tapunia ai ma aoga e tu lalata ane i le nofoaga na maua ai mo puipuiga.
I lipoti mai leoleo i le afiafi ananafi, na faamautinoa ai e leai se tulaga faapopoleina ona o afifi nei ma ua faafetaia ai foi tagata lautele i la latou lagolagosua.
