O se tala lata mai i le matagaluega o le soifua maloloina i le pepesi o le fiva o ponaivi, o faamaumauga ua faailoa mai ua iloa ai e lē o faaitiitia le numela o tagata ua aafia ae faaopoopo.
O le aso 29 o Aperila e oo i le aso 5 o Me e 65 tagata na aafia i le vairusi o lea gasegase.
Peitai a fua atu i faamaumauga o le aso 22 o Aperila e oo i le aso 28 o le masina lava na te’a nei e 70 gasegase o le fiva ponaivi na faamauina ai.
O loo iai le talitonuga o le numela ia o tagata na oo i le falemai mo ni togafitiga ina ua aafia i āuga o lea faama’i, peitai e toatele ni tagata o loo aafia i tua i aiga ae e lē o agai e vaai se foma’i ma faamauina ai i faamaumauga o tagata ua aafia i le dengue fever poo le fiva o ponaivi.
O loo tumau pea fautuaga o puipuiga mo le atunuu atoa aemaise foi o fautuaga faalesoifua maloloina mo tagata e malaga mai i Samoa.
