Ua toe nofo Aukilani I le lapataiga vaega tolu mo le isi vaiaso
O le faaiuga lea a le malo na aumai ananafi I le maea faailoa mai ai o le 35 komiuniti cases fou, ma o I latou uma nei e mai Aukilani
O le 21 o ia cases e le fesootai ma cases na maua muamua
O lea ua savali le vaiaso lona iva talu ona iai Aukilani I tapu talu ona sau le Delta, mai le lapataiga vaega 4 sau ai I le Phase muamua o le vaega 3 lea ua toe faaopoopo aso
O le Aso Gafua o le vaiaso fou, 18 o Oketopa o le a toe iloilo ai vaega o lapataiga mo Aukilani
Ese mai ia Aukilani, o lea foi e lapataiga vaega tolu Waikato ma Northland, ma o le aso a taeao e toe iloilo ai pe taunuu fuafuaga ua iai o le a see ia itumalo I le lapataiga vaega lua mai le toe tasi le minute I le 12 o le po o le Aso Tofi
