E lē o iai lava ma se suiga i le umi o le lisi faatalitali mo taotoga o nifo o le fanau.
E 4,000 lea na saofai i le tausaga talu ai, sau ai i le faaiuga o Ianuari o le tausaga o le mea lava e tasi e lē o tele se suiga ma i faamaumauga a le matagaluega o le soifua maloloina e oo mai i le faaiuga o Mati ua 4,001 fanau o loo i le lisi faatalitali poo fanau nei e i lalo o le 14 tausaga le matutua.
Mai nisi o tagata suesue o loo faatupulaia le toatele o fanau e leaga nifo, peitai e lē o faigofie foi ona mau e fanau togafitiga pe a moomia.
E ui o loo faia pea togafitiga ma taotoga mo fanau e moomia taotoga mo o latou nifo e lē o mafai ai ona aumai i lalo le toatele o loo i le lisi faatalitali ma ua iai nei le popolega i le tele o le aafiaga o le maloloina o fanau.
E lē o faigofie ai foi i le toaititiiti o le aufaigaluega, ma ua sau ai ma le talosaga ua tatau i le malo ona toe iloilo ma faia se isi faiga vave.
