O le sau o le tala o le ofo o le a maua ai e tausi soifua o loo galulue mo le Te Whatu Ora le faitau afe o o latou totogi faapea ai ma back pay, ua faafaigata ai nei i tausi soifua o loo galulue i tua i le komiuniti.
O le maliega fou lea ua talia o totogi mo tausi soifua, ma e patino lava lea na o tausi soifua a le Te Whatu Ora, ma o lona uiga e ono maua ai e le tausi soifua sinia le oo atu i le $150,000 i totogi.
Peitai o tausi soifua o loo galulue i tua i falemai faaleaiga, fale o tagata matutua, Plunket ma isi health providers, e lē o tau ai ma ua finau mai ai auaunaga faalesoifua maloloina o loo i tua i le komiuniti e lē fetaui.
Mai pulega o auaunaga nei i tua i le komiuniti, o le isi itu e oo iai o le o uma o tausi soifua e galulue i lalo o pulega a le matagaluega o le soifua maloloina ma atili toagaogao ai le aufaigaluega i tua.
E ese mai i totogi o tausi soifua a le matagaluega o le a sii o lea foi o le a maua le back pay, ma e toe faafoi i tua mai le aso 7 o Mati o le 2022.
A o talanoa ai la i totogi, e le o iai se suiga i le solo tetee a tausi soifua o loo ta’uta’u e faia i le vaiaso fou, ona e ese le maliega lea e tetee ai i le va ma le Te Whatu Ora.
