E ono le tele se polofiti a tagata Aukilani o loo toe taumafai e faatau ese fale nei na matuai iloga ona lamatia i lologa.
O le toe pa’ū ai o timuga mamafa i le aso 9 o Me i Aukilani na toe lolovaia ai foi nei fale na faaleagaina muamua i le amataga o le tausaga, ua tonu ai ma mafaufau o le toatele o tagata Aukilani e ana fale nei, ua oo i le taimi e oese ai loa.
E molimau ai nisi i tala a le 1News o lea ua oo lava i le tulei i le $630,000 e leai lava ma se isi e fia faatauina, ma o le molimau lava lea e tasi a le toatele i Sisifo o Aukilani.
E le o faigofie, ae o loo iai foi lagona alofa o i latou nei e ana fale i tagata latou te faatauina ona o le tulaga lamatia gofie i lologa.
Ae mai le malo o loo tumau lava le masina o Iuni o loo fai mai e faatali e oo atu iai ua maua mai se tala mautinoa mo fale nei.
Peitai, e le o faigofie i aiga le umi ona tatali ae sau foi le tali e le atoatoa ona faamalieina ai i latou.
