O le lē toe maua o fesoasoani tupe mai le malo, o le faapogai lea o le vaavaai o se tasi o nofoaga o loo toe fuataina ai soifua o tagata e tapuni.
O le A Place to be i Otahuhu i Aukilani o le nofoaga ua oo atu i le faitau afe tagata sa faapologa e fualaau faasāina i le 10 tausaga talu ai.
A o manao ai e faatalosaga mo le fesoasoani e tauala mai i le Proceeds of Crime Fund lea e aveesea mai ai tupe ma aseta e maua mai auala faasolitulafono ae aumai e faaaoga lelei e aofia ai nofoaga nei ua ta’ua o rehabilitation centres, o lea ua tapunia lea fesoasoani.
O se suiga na fai mai ai le minisita o falepuipui ua toe fetuunai e aumai e faaaoga i isi poloketi o loo faamuamua e le malo, e aofia ai taumafaiga o loo tali atu ai i osofaiga a le au gaoi o loo faaaoga ai taavale e faaleaga ai faleoloa.
O loo molimau le toatele i tala a le 1News, sa fesoasoani le A Place to be i Otahuhu i o latou foi soifua taumafai, ua tatau i le malo ona toe silasila lelei i ana faaiuga ona o se nofoaga tāua tele lea mo le feliuaina o soifua o tagata.
