O le a leai se faasalaga pe afai ae tuai ona totogi rates o fale o aiga Aukilani e le o toe nofoia.
O le tala mai lea a le Auckland Council i le mae’a fai mai ai i le Aso Lua o le vaiaso nei e tatau pea ona totogi a latou rates lea e faagata peimeni i le Aso Lua o le vaiaso a sau.
O lea ua sulu nisi i ofisa faasalalau aemaise ai o tala i luga o le social media e faaali lo latou faanoanoa i le faaauau pea ona totogi o rates o fale e ui ua faitau vaiaso e le o toe nofoia, o nisi ua lata i le masina.
E oo mai i le Aso Lulu o le vaiaso nei ua 215 fale ua pipii ai le sticker lanu mumu ona ua le o saogalemu mo soo se tasi ona toe ulufale ai, e tusa ma asiasiga a le Auckland Council.
A o totogi ai pea rates o fale o tagata Aukilani nei, o le faamāmā avega na fai mai ai ananafi o le a leai se faasalaga mo rates o fale ua pipii ai le sticker lanu mumu pe afai ae uma ane le Aso Lua o le vaiaso fou e le o mafai ona totogi.
