Ua lipotia le faia o le faaiuga a le Tamaitai Palemia o le a lē faia le la faaipoipoga poo sana malologa foi mo le taumafanafana ae o le a faimalologa i le fale ma faatāua le taimi ma aiga.
E toatele nisi sa faatalitaia le faaipoipoga a le Tamaitai Palemia ma lana paaga peitai o lea ua manino mai lana faaiuga i le mataupu lea ma ia ta’ua ai o le a faaaoga ona livi e mafuta ai ma lona aiga.
Na ia ta’ua o si ona tamā ua aafia i le kanesa, o ia sa avea ma malu o le malo, na litaea i le amataga o le tausaga i nisi o ona tiute faaiu i le Pasefika i le motu o Toelau ma sa komesina foi i Niue.
O si ona tina foi e gasegase i le kanesa o le susu. Fai mai le Palemia o se tasi o mea ua ia aoaoina mai i le koviti o lona fiafia e faaaoga le taimi o le taumafanafana i Niu Sila ma e manatu o le a iai se taimi e agai ai i Ausetalia ae mo le taimi nei o le a toe taumatemate pea le toatele poo afea o le a faataunuu ai lona aso fiafia.
