Afai ae taunuu le fuafuaga a Councillors Ueligitone faasaga i fale o tagata ua telē le lamatia ona o mafuie, e ono leai ai ni a latou rates totogi mo le 3 tausaga.
E tusa ma le 250 fale Ueligitone ua iai i se tulaga lamatia tele pe a lulu se mafuie, ma o lea ua iai le faamoemoega e tatau ona oo atu i le 2027 ua uma ona faaleleia auā le mautinoa o le malolosi ma saogalemu.
Ua fai mai ai ma councillors Ueligitone o le a faatalanoa tagata lautele i le fuafuaga lenei, ma afai ae talia e ala i le palota o lona uiga o le a leai ni rates o fale nei e totogi mo le tolu tausaga ae faaaogā e toe fau ai fale.
O se piriota foi afai ae lelei ona faia le galuega ma pasia faaletulafono, e lē toe totogia mai lava rates nei o le tolu tausaga.
