E leai ni moliaga faasaga i le mataupu na maliliu ai le to’afitu i Picton i le masina o Iuni o le tausaga nei.
O se tasi lenei o faalavelave matuiā i luga o auala a Niu Sila na fasiotia ai le to’afitu o tagata o le aiga sa i totonu o le van i le aso 19 o Iuni.
E to’aiva faatasi i latou sa i totonu o le van na matua’i faaleagaina ma o le to’alua lea na auina atu i le falema’i, ae faamanu’alia mitimiti le aveloli.
Ta’ua e le sui o le ofisa leoleo i Marlborough ananafi na ia faamautinoa mai ua mae’a su’esu’ega na faia ma e leai ni moliaga.
Ua tuuina atu ai i lē o loo faia su’esu’ega o tagata maliliu faai’uga o su’esu’ega ma faatali ai latou te faasalalauina.
Ua faafetaia ai foi ma i latou na gafa ma su’esu’ega.
