E iu ina faatumauina lapataiga ma faailo o loo lapataia ai tagata Aukilani ina ia agai ese mai le sami ma aua le fagotaina ia faaitu aemaise lava i nisi o uafu ma matafaga i lenei vaitau mafanafana.
O le faitau miliona o otaota o loo aafia ai le Waitemata Harbour ae lē o taofia ai nisi o tagata o loo agai pea i le matafaga mo fagotaga aemaise i le uafu i Okahu Bay.
Ua faailoa e le Auckland Regional Public Health Service i le Televise Tasi, o otaota mai le sami e aafia ai taumafa mai le sami ma sa fautuaina ai tagata ia taofia le fagotaina o lea vaega mo le a itiiti mai e 28 aso ona sa faaleagaina le suasami.
E lei avanoa mai i le taimi nei le suesuega a le Watercare sa faia e faaogā ai meapueata i lalo o le sami ma o loo faia pea suesuega i le suasami ma e faatolu ona faia suesuega i totonu o le vaiaso e tasi.
