Na sui gugu lava e le malo le toe foi mai o tagata Kiwi leai ni tui ae omai o sao I aiga ae le o nofoaga faanofoesea
O lea ua faalauiloa I luga o le upega tafailagi o nofoaga faanofoesea ua talia e le malo tagata sitiseni Niu Sila e le I faia tui atoa ai ma tagata ua agavaa e faimalaga mai, ma e le moomia le faanofoesea
O se suiga na faia e le malo I le Aso Faraile ma aloaia ai lava I le toe minute I le 12 I le po o le Aso Faraile, peitai e le I faailoaina mai
I lea lava faasilasilaga ua agavaa ai foi ma pasese sa I nofoaga faanofoesea leai ni tui ao lea sa amata iai I ia nofoaga ae e le I aloaia le suiga I le po o le Aso Faraile, e te’a I tua
O se suiga ua fesiligia ai e le sooupu o le Koviti a le National, Chris Bishop, afai la o lea ua faataga le omai o tagata Kiwi e le I faia tui aisea ua saga faaauau ai pea tulafono ma sa o le au leai ni tui I totonu o le atunuu
E le I fiafia foi le sooupu I le lē faailoa lauaitele mai o le suiga ua faia, ma ua faatalosaga ai e Bishop le malo e faailoa suiga o le tulafono ma faaiuga ua faia nei
O le suiga ua aloaia, e le gata e lē moomia le faanofoesea I nofoaga faanofoesea ae faapea ai foi ma le lē faanofoesea I o latou aiga poo le self-isolate
