O se tala fiafia mo tagata feoai i uila, ae lē o lea mo avetaavale.
O lea ua ioe le City Council a Ueligitone o le a faia pea lava poloketi e lua i Kilbirnie ma Thorndon ma o auala nei e feoai ai uila ma le sini ia faaitiitia ai kasa oona o loo maua mai taavale feoai.
Na ta’ua e le pulenuu a Uelitone Tory Whanau, o le auala lava lea mo feoaiga i le taulaga o le faaaoga o uilavilivae.
O le 90% o le tau o poloketi nei e lua o le a sau mai climate emergency response fund a le malo.
O se tala fiafia mo tagata e faaaogaina uilavilivae, peitai e le o fiafia iai pisinisi ona o le a le toe maua ai le silia ma le tasi selau o avanoa mo pakaga a taavale.
E le gata i pisinisi ae faapea i latou e feoai i taavale, ma o le isi foi itu ua fesiligia nei foi o tina ma tamā matutua sa tele ina faamoemoe i pakaga o le a le toe iai.
Ae fai mai le pulenuu, o loo manino lona fingalo o se suiga ua moomia ona fai.
