Ua faailoa faalauaitele mai e le AstraZeneca ua lē o toe iai sana tui o le Koviti i le lalolagi atoa.
Ua sau ai i le mae’a ioeina e le kamupani o le toatele ua aafia i la latou tui e pei ona ia ioeina ai i le faamasinoga e tusa ma lipoti a le tele o ofisa faasalalau i le kelope.
I nisi o lipoti o loo ta’ua ai o le lē toe iai o se sapalai o le tui o le Koviti a le AstraZeneca ua mafua lea ona o lea ua tele vailaau ua iai nei.
O le talosaga a le AstraZeneca e faalēaogāina lana vailaau o lea na faaulu i le aso 5 o Mati ma amata aloaia mai ai i le aso 7 o le masina lenei o Me, ma o lea foi o le a toe faalēaogāina ana faalauiloa o loo maketiina ai i totonu o Europa i lalo o le igoa Vaxzevria.
I totonu lava ia na o Niu Sila ua faamaonia mai e le sui o le Medsafe, o lea na uma le aogā o le maliega ma le AstraZeneca i le aso 20 o Aperila i le tausaga nei, ma e lei toe faatalosagaina mai e le kamupani lona faafouina.
Puna o Faamatalaga: AstraZeneca withdraws COVID-19 vaccine globally after reportedly admitting side-effects | Newshub
