Ua faamuta ma ua lē toe gaosia le peanut butter a le Sanitarium. Faamauina i ripoti a le leitio faavaomalo a Niu Sila na tā’ua ai ua oo i lea tulaga ona o faigata na fetaia’i a o le faatauina atu o le oloa; e pei ona iai foi le malosi ma le maualuga o fefaataua’iga o isi ituaiga o lenei lava oloa o le peanut butter i le maketi.
Faasoa foi le kamupani, ua leva ona feagai ma faafitauli o le lē toatele o tagata e faatauina lea oloa, ma ua pa’ū maualalo ai le numera o fagu peanut butter e alumia i faleoloa
I se faasilasilaga mai le Sanitarium, na o latou tā’ua ai, lo latou malamalama lelei e lē talia gofie e nisi o tagata faatau le tala ua aumai, ma ua o latou faamaualalo foi i le mea ua tupu.
Ae peitai i le tuuina mai o lenei tala faanoanoa, na faafetaia e le kamupani le mamalu lautele o tagata e fiafia i lenei oloa, a o lo latou lagolago mo le tele o tausaga e pei ona faaalia ua 100 nei tausaga o faatau ma faaaogaina e e le toatele.
Faamauina i ripoti talu ai ona o tulaga faalētonu o le tupe maua ma le leai o nisi e faatauina le peanut butter a lenei kamupani, o lea na faaiugafonoina ai o le faaiuga o Iulai le taimi mulimuli e gaosia ai lenei oloa.
Puna o Faamatalaga: https://rnz.co.nz/news/business/535573/sanitarium-stops-making-peanut-butter-due-to-declining-customer-demand
