Ua faataatia ese e le kamupani vaalele a le Ea NIu Sila le faiga e faatau ai na o le nofoa o le pasese ae le aofia ai sana uta, le seat only option mo ana faigamalaga agai atu i Tahiti, Perth ma Honolulu.
Fai mai le kamupani vaalele e na o le 13 pasene o ana paaga e faaaogaina le auaunaga lea i ia faigamalaga. O lona uiga la, e amata atu i le Aso Tofi nei, o pasese uma o le a faimalaga i nofoaga ia o Perth, Tahiti o le a le mafai ona toe faia lea tulaga o le faatau na o le nofoa ma le ato e ave i luga o le vaalele, le carryon. Ae faatoa faamamalu mo malaga i Honolulu i le aso 30 o le masina lenei o Oketopa.
Fai mai le Ea Niu Sila o le toatele lava o pasese e faatauina le pasese The Works lea e aofia ai ma uta ma le meataumafa.
