E leai se talitonuga o leoleo o loo ola pea Yanfei Bao, ma o lea ua suesueina nei o se tasi ua faaoo iai e se isi le oti.
O le tala lata mai lea i le afiafi ananafi i suesuega a leoleo a o savalia ai le vaiaso lona lua e lei maua lava Bao, poo le tina 44 tausaga o Kalaiesetete lea na mulimuli vaaia a o alu ai e asiasi i fale o aiga i taimi o lana galuega, o ia o se tagata faatau fale.
I lipoti a leoleo ananafi e le o mafai ona faailoa mai pe aisea ua talitonu ai leoleo ua fasiotia le tina, peitai e pau le tala ua aumai o loo fua i molimau ma faamaoniga ua maua mai i se tasi o fale na oo iai leoleo poo le fale lea i Trevor St.
O lea ua oo suesuega a leoleo i le o tagata aau ma meapueata i lalo o le vai, ma nisi o nofoaga na toe maua i data o le telefoni a le alii ua molia i le mataupu lenei.
Ae mo le aiga mafatia, ua faamautinoa mai e le sui o le ofisa o leoleo o lea ua mae’a logoina foi i le suiga o suesuega ua oo iai ma e le o faigofie.
