Ua le mafai ona faamaonia mai e le palemia o le atunuu, Jacinda Ardern pe o iai se fuafuaga a le malo e faataatia ese tulaga e faamalosia ai le faia o talifofoga ae ua ia taua o le a aofia le mataupu lea i le iloiloga o le a faia o le Koviti-19.
O le lipotia a le Otago Daily Times sa faailoa ai o loo fuafua le malo e faataatia ese aiaiga e faatatau i le faia o talifofoga sei vagana i nofoaga e tele ai le lamatiaga tau le soifua maloloina.
O le faatalanoaga a le palemia ma le autusitala i le asō e lei faamaonia ane ai e le palemia lea tulaga ae na ia faailoa e lei faia se faaiuga a le malo i le taimi nei i le mataupu lea ona o loo iloilo pea lapataiga aupito lata mai.
O loo iai pea Niu Sila i le lanu moli i lalo o le traffic light system.
