E le o mafai ona faamaonia mai e le Palemia, Jacinda Ardern pe toe faaauau le fuel tax cut.
O le faamamaavega lenei a le malo i le tau o le suauu e uma i le faaiuga o Ianuari, peitai e le o mafai ona faamautinoa mai e le malo pe toe faaauau pe leai.
Saunoa le Palemia ananafi e lei faia se faaiuga a le malo i le taimi nei, ma e faatoa iloa pe a latalata atu iai i le faaiuga o Ianuari ona e iai foi isi tau e moomia le vaai muamua.
O le faamamaavega i le tau o le suauu ua silia ma le $1 piliona lona faatupeina, ma a o fiafia ai tagata lautele i lea fesoasoani o loo sau ai ma le fesili pe faamata e gafatia e le malo ona faaauau.
O le faaiuga foi o Ianuari na tau o loo fua lea i fuafuaga mamao na iai e oo atu i lea taimi ua amata ona tau māmā mai le inflation poo le alu i luga o tau o oloa faatasi ma le pa’ū o le malosi o le tupe Niu Sila.
O le taugata o le tau o le suauu e le na o Niu Sila o loo tigaina ai, ma o se iuga lea ua iai e mafua mai i le taua i Ukraine atoa ma le Koviti.
