E silia ma le 300 poloketi faufale a le social housing o lea ua fesiligia nei poo le ā le isi mea a fai a’o toe iloilo ai tupe ma le lumana’i o le Kainga Ora.

O le masina o Me lea na faatonuina ai e le malo le tatau ona faia o se iloiloga i le pulega o loo gafa ma ona fale i le mae’a sau ai o ripoti ua gau le Kainga Ora ma o loo alu pea i luga ana aitalafu ma o le iloiloga foi lenei e aofia uma ai fale o loo fau.

O se tasi o ia poloketi e aofia ai le 24 fale ua mae’a faaalu ai le tusa ma le $2.5 miliona i Gore.

O le isi fanua i Aukilani ua uma ona faaalu ai le $24 miliona.

E oo mai i le faai’uga o Iulai e 371 poloketi o loo iloilo i le iloiloga ma i lea aofai o le 48 o loo faasolo pea ma o lona uiga o le 323 e lē o mautinoa.

O poloketi nei ua lē mautinoa ua mae’a faaalu ai le silia ma le $293 miliona.

Ae mai le minisita o fale, Chris Bishop, o le tele o poloketi nei o le a faataunuuina pea e ui o nisi o le a faatuai.

Puna o Faamatalaga: More than 300 Kāinga Ora projects across NZ in limbo (1news.co.nz)