E ono lē aumaia le tino maliu o le fitafita Niu Sila lea na fasiotia i Ukraine i le vaiaso talu ai.
O le tala lata mai lea mai le tamaitai palemia, Jacinda Ardern i le feiloa’iga ma tusitala ananafi.
Saunoa Jacinda, e lē o faigofie ona mautinoa le tulaga o iai le tino maliu o Dominic Abelen, poo lē na fasiotia a o ave ai ona aso mālōlō lē totogia, poo leave without payment.
Ta’ua ai foi e le ta’ita’i o le atunuu e lē o mafai ona faamautinoa mai le umi e faatali ai le aumai o lona tino maliu, ma e lē o mautinoa foi pe oo ona aumai lona tino.
E atagia mai i saunoaga a le tamaitai palemia o se tasi lenei o mafuaaga na ala ai ona fofoga mai e le malo lana faai’uga e lē tatau ona faimalaga i Ukraine ona e lē mafai ona fesoasoani, e tusa lava poo lea sa iai mo galuega ma e mafua lea ona e lē mafai ona oo atu le fesoasoani a le malo i Ukraine.
O nei saunoaga na toe faamanino e le Palemia i le aiga faanoanoa o lea fitafita, e lē faapea a mea ua lē fia fesoasoani mai le malo, ma ua faamaise ai foi i le aiga o le fitafita ua fasiotia.
