I taaloga e lē o mautinoa pe o le a aofia ai le alii o Beauden Barrett i le taaloga a le All Blacks o le a sosoo ai i le faai’uga o le vaiaso nei ina ua lipotia i le aso ananafi sa aafia i toleniga.  

E lē o manino mai foi nisi faamatalaga auiliili e tusa ai o le mataupu lea ae ua ta’ua na aga’i ese mai Barrett mai toleniga i le Aso Gafua ae le’i mae’a toleniga. 

O loo faatalia se isi lipoti o le mataupu lea ae afai ae lē taalo Barrett o lona uiga e ono avanoa ai le alii o Stephen Perofeta e suitulaga. O le taaloga i le faai’uga o le vaiaso e fetaui ai le All Blacks ma le Pumas a Argentina i le Rugby Championships.