Ua lē manuia taumafaiga a le Palemia o Italia o Giorgia Meloni i le sa’iliga o finagalo o tagata, referendum e faatatau i ni fetuuna’iga sa fia faia i le faavae o le atunuu.
Faaalia e le BBC o le i’uga o lea referendum e 54 pasene o tagata e le’i taliaina pe tali ane e leai ma le 46 sa ioeina.
Sa faailoa lava e le Palemia i le taimi ua sola o le a ia faaaloalogia soo se i’uga e taunuu iai lenei taumafaiga ma ina ua faalauiloa la le i’uga ua faailoa le fiafia o le Itu Agai ma le faamatalaga e foliga ua manana’o tagata i se suiga.
Ua ta’ua i le lipoti sa finau le malo o suiga o loo fia faia i le faavae e tāua mo le faaleleia o le atunuu aemaise lava i le tuto’atasi o le faamasinoga.
Puna o Faamatalaga: https://www.bbc.com/news/articles/crl1ne8dj1eo
