O mau a leoleo sa tuuina atu i le faamasinoga faaitumalo e lagolago ai le moliaga e tasi o le faia o se faasalalauga taufaaleaga ma le faamoemoe e faamanualia ai se tagata, faasaga i se tamalii faasalalau le afioga Tiumalumatua Maifea Fetu, ua le faamalieina ai le faamasinoga ma ua soloia ma faaleaoga ai le tuuaiga na faaulu i leoleo e le Failautusi o le vaega faaupufai o le Faatuatua i le Atua Samoa ua Tasi.
O le faaiuga lea na folasia e le afioga i le Faamasino na suesueina mau le afioga Leota Raymond Schuster. Ua faamamā ai ma le suafa o le na molia, ma ua tatala ai ma noataga faaletulafono sa le mafai ai ona toe taliu atu i Ausetalia, a o tālia se faaiuga o lona faamasinoga.
Se faatalanoaga a tusitala ma Tiumalumatua Maifea Fetu ina ua mae’a ona lau le faaiuga. O le faaiuga ua taunuu ai le moliaga o le faia o ni faasalalauga taufaaleaga ua le nofo lelei i se lagona o le failautusi o le Faatuatua i le Atua Samoa ua Tasi na faauluina le tagi, ma ua faaalia ai sona faanoanoaga i le tapenaga a leoleo i mau sa folasia a o suesueina le moliaga.
Le Failautusi o le vaega faaupufai o le Faatuatua i le Atua Samoa ua Tasi, le tofa Vaaaoao Salu Alofipo.
