E le lava le faasalaga o le ave taavale na maliliu ai talavou to’alima o Timaru.
E 20 tausaga o Tyreese Stuart Fleming ua faafalepuipui mo le 2 tausaga ma le ono masina ona o le faalavelave tautaavale lenei na tulai mai ia Aokuso o le tausaga talu ai lea na fasiotia ai alii talavou e to’alima e i le va o le 15 ma le 16 tausaga
O Tyreese e le gata o ia sa ave taavale ae e na o ia foi na faasaoina mai lona ola mai lenei faalavelave matuia.
Mai molimau a le to’atele o aiga o le to’alima ua ma’umau ai soifua i lenei faalavelave, e lē mafai e le faasalaga ua tuuina mai ona faatusatusa i le tiga aemaise ua ia fasiotia isi talavou i lona avetaavale faasuaava.
Mai lē ua faafalepuipui e tauala mai lana loia, ua ia faatoese ai ma le lagona salamō.
